Xulka Uganda oo mar kale ku guuleystay tartanka bariga iyo bartamaha Afrika

Sabti, 08-12-2012.

Wadanka Uganda ayaa ku guuleystay koobkii bariga iyo bartamaha Afrika ee ka socday magaalada Kampla ee Dalka Uganda markii ay caawa 2-1 ku garaaceen xulka Kenya.

Wiilasha Cranes lagu naaneyso ee Uganda ayaa garacay wiilasha Harambee lagu naaneyso ee Kenya waxaana ay Uganda guusha xaqiijisay daqiiqadii 89-aad markii uu gool u dhaliyay xiddigooda khadka dhexe Geoffrey Baba Kizito oo ciyaarta ka dhigay 2-1.

Uganda ayaa difaacaneysay koobkan markii ay sanadkii hore qaaday waxaana ay hadda qaadeen markii 13-aad Taariikhda.

Wadanka lagu magacabo Zanzibar ayaa soo galay booska sadexaad ee tartankaan markii ay rigoorayaal 6-5 ah ku garaaceen Tanzania.

GOOLFM

Comments

comments