Tuesday, July 28th, 2015
Gool FM logo

Xaflad casho sharaf iyo soo dhoweeyn ah oo Gothenburg loogu sameeyay macalinkii Qodxaalay Maxamed Faarax + Sawirro

Published on December 2, 2012 by

(Gothenburg) 02 Dis 2012   Waxaa xalaytoole magaaladan Gothenburg ku qabsoomay xaflad lagusoo dhoweeynayay Maxamed Faarax Maxamed oo ka mid ah ragga haatan ka dhex muuqda kubadda cagta Soomaalida oo soo gaaray magaaladan Gothenburg.

Xafladda oo ay kasoo qaybgaleen maamulka labada kooxood ee Somalisk SK iyo Neutrala IF iyo qaar ka mid ah laacibiintooda ayaa waxaa soo abaabushay Sacdiyo Maxamed Furre (Sacdiyo Soomaali) oo ah fanaanad qaran oo ka tirsanayd kooxda Horseed ee ciidamada xoogga dalka Soomaaliya iyo Micraaj.

Waxaana xafladda oo ku dhacaysay jawi saaxiibnimo iyo mid is barasho waxaa ka hadlay inta badan maamulka labada kooxood iyo marti sharaftii kale oo ay ka mid ahaayeen Cali Yare Gaani, Macalin Aadan Oor, Ibraahim Qalinle, Maxamed Xuseen (Qaaluu),  Maxamed Diini, Macalin Faagte, Macalin Yoonis iyo Macalin Cumar.

Waxaana xafladda ka mahadceliyay Maxamed Faarax oo bahda isboortiga Gothenburg iyo guud ahaanba qurbaha ku boorriyay inay ku dadaalaan sidii ay saameyn wanaagsan ugu yeelan lahaayeen is walaashiga, midnimada iyo waxtarka guud. ”Been idiin sheegi maayee qabyaalladii Soomaaliya qurbaha ayaa loosoo safriyay” ayuu yiri Maxamed Faarax oo caddeeyay in gudaha dalka aysan dadku haatan xiise badan u qabin qabyaalad iyo qoqob balse uu la yaabay midda ka jirta qurbaha.

Xafladdan casho sharafta ah ayay sidoo kale maamulka labada kooxood ee Soomaalida ah ee ka dhisan magaaladan Gothenburg waxay ku gudoonsadeen inay sameeyaan iskaashi iyo iska warqab ka wanaagsan midka ay haatan sameeyaan iyagoo codsaday inay taageero isu muujiyaan marka ay midkood ciyaarayso iyadoo sanadkan ay kooxda Somaliska SK ay usoo baxday heerka 6-aad ee dalkan Sweden.

Ugu dambayntii ayaa gudoonka kooxda Somaliska SK Md Ibraahim Qaline wuxuu abaalmarin gudoonsiiyay Maxamed Faarax oo ahaan jiray kabtankii kooxda Qodxaalay oo uu markii dambana macalin u noqday isagoo sidoo kale haatan ah milkiilaha kooxda Savana oo ka ciyaarta heerka 2-aad ee dalka Soomaaliya.

Maxamed Faarax ayaa sidoo kale ka mid ahaa Junyarkii kooxda Horseed ee xoogga dalka oo uu kula guulaystay koobka da’yarta oo ay Horseed qaaday sanaddii 1984-kii.

Gool FM, Gothenburg


Wararka

s3

SAWIRRO + MUUQAAL: Taageere Man Utd oo qarasta ku kiciyay kuwa Liverpool! (Maxaa dhacay?)

(Kuala Lampur) 28 Luulyo 2015 - Taageere Manchester United ...
Ramoss

Man United oo caro bisteed la ah iyadoona dareensan inuu khiyaanay Sergio Ramos…(Sidee wax u jiraan!?)

(Manchester) 28 Luulyo 2015. Naadiga Man United ayaa ...
Pedro Rodriguez

Man United oo qorshaynaysa inay burburiso heshiiska Pedro Rodriguez ee Barcelona

(Manchester) 28 Luulyo 2015 Kooxda Man United ayeey ka ...
suuq

XANTA SUUQA & XIDIGAHA LA RABO: Wararkii ugu dambeeyay suuqa kala iibsiga iyo wargaysyada!

(Zurich) 28 Luulyo 2015 – Saaxiibayaal kusoo dhowaada xubintii xanta ...
Jovetic

Stevan Jovetic oo ka gudbay tijaabada caafimaadka ee kooxda Inter Milan

(Milano) 28 Luulyo 2015 Weerar yahankii kooxda Man City Stevan ...
Vidal

Goorma ayeey Bayern Munich ku dhawaaqi doontaa saxiixa Arturo Vidal?

(Munich) 28 Luulyo 2015 Kooxda Bayern Munich ayaa dhamaystirtay ...
s

Mr Bee oo berri Milan kusoo wajahan! (Heshiiska oo la saxiixi doono)

(Milano) 28 Luulyo 2015 - Bee Taechaubol ayaa ...
michel_platini_2412367b

Xiliga uu Michel Platini isku soo taagi doono madaxtinimada FIFA oo la shaaciyay

(Zurich) 28 Luulyo 2015 Bisha 2-aad ee sanadka 2016 ...
s

”Sanadkan Serie A sidii hore wuu ka adkaan doonaa” – Marotta

(Torino) 28 Luulyo 2015 - Kooxda daafacanaysa horyaalka ...
S1

Horyaalka Talyaaniga oo sanadkan adeegsan doona farsamada Xarriijinta-Goolka!

(Milano) 28 Luulyo 2015 - Horyaalka Talyaaniga oo ...

GoolFM Mobile (USA)

GOOLMobile