Daafada reer Argentine ayaa iskaga huleeli doona kooxda SSC Napoli oo uu qandaraaskii uga dhamaaday isagoo si toos ah ugu biiri doona kooxdaNerazzurri, oo horraanba heshiis la gaartay.

Naadigan Faransiiska ah ayaa Sneijder ugu yaboohday mushahar dhan €6.5 milyan oo euro sanadkii iyadoo Inter faraha ka saaraysa laba jibaarkeed ku dhowaad taasoo ah €12 milyan oo euro isla markaana ah lacag ay kooxda Nerazzurri kusoo xera gelin karto Paulinho.

Chelsea ayaa doonaysa inay soo qaadato muluqa Serbian-ka ah ee Lazar Markovic oo ku kacaya aduun dhan €10 milyan oo euro. 18 jirkan da’da yar oo khadka dhexe ka ciyaara ayaa kooxdiisa Partizan Belgrade u dhaliyay 6 gool 12 kulan oo uu u saftay.

Laacibka marna qawaarka ah marna khabiirka ah ee khadka dhexe ayaan kasoo horjeedin fikradda ah inuu ku biiro kooxda metesha imaaradda Faransiiska ah ee Monaco. Booqashadii uu Tor-Kristian Karlsen, oo ah xoghayaha guud ee kooxda ASM, uu ku tegey magaalada Los Angeles ayaa u muuqatay mid mira bixisay.

Jose Mourinho ayaa la sheegayaa inuu go’aansaday geestii uu aadi lahaa hadii ay kala go’aan kooxda Real Madrid oo ay beryahan isku xumaadeen: Waxaana la sheegayaa inay jihadaasi noqon doonto magaalada Paris iyo kooxda PSG taasoo daaqadda ka saaraysa  Man City oo xusul duub iskeed ah kujirtay.

Waxaa la sheegayaa inuu horraanba dhacay kulan dhex maray macalin Mourinho iyo saraakiil Qadariyiin ah oo kooxda ka socotay iyadoo ay horay u jirtay in Al Jazeera English ay barnaamih documentery ah ka sameeynaysa macalin Mourinho.