”Waan ka naxay geeridii moowtul faj’aha ahayd ee ku dhacday garsoore Nieuwenhuizen” – Blatter

Published on December 6, 2012 by Raage

(Zurich) 06 Dis 2012 Gudoonka FIFA Sepp Blatter ayaa muujiyay sida uu uga murugaysan yahay geeridii degdegta ahayd ee ku timid calan haye Richard Nieuwenhuizen kaasoo u dhintay dhaawac lagama kacaan ahaa oo ay gaarsiiyeen dhalinyaro u ciyaarta naadiyo Dutch ah.

Richard Nieuwenhuizen, oo 41 jir ah, ayaa geeriyooday kadib markii ay weerareen 3 ciyaaryahan oo ka tirsan kooxda Nieuw Sloten iyadoo wiil uu dhalay calan waduhu uu u ciyaarayay kooxdii kasoo horjeeday ee Buitenboys.

”Waxaan jeclaan lahaa inaan soo bandhigo murugada iyo naxdinta aan dareemayo kadib geeridii Richard Nieuwenhuizen ayuu Blatter ku qoray warqad tacsi ahayd oo rasmi ahayd oo uu u diray xiriirdka kubadda cagta Holland.

Blatter ayaa tilmaamay inay kubaddu tahay muraayad ay iska aragto bulshada oo xumaan iyo samaan wixii kasoo baxa ay saameeyn ku yeelanayso isla mujtamaca guud ahaan.

”Si kastaba waxaa iga dhaadhacsanaan doonta in kubaddu ay noqon doonto wax weligeed loo irkado marka aad eegto tusaalaha uu dhigay madaalayaal uu ka mid yahay Mr. Nieuwenhuizen” ayuu raaciyay.

Gool FM