UCL: CELTIC vs BARCELONA oo ballansan (Maxaad ka ogtahay?)

Published on November 7, 2012 by Raage

(Celtic Park — Glasgow) 07 Nof 2012 Tito Vilanova waxaa usoo laabanaya dambeedka dhexe Gerard Pique oo u diyaar ah inuu kasoo muuqdo safka ka ciyaari doona Celtic Park, xidigan Spanish-ka ah ayaa dhaawac cagta ah ku maqnaa tan iyo guushii Spartak Moscow, taaso la micne ah in Alex Song la fariisin doono.

Alexis Sanchez ayay tahay inuu isna loo laabto kadib markii uu ka maqnaa kulankii Sabtiga ee Celta Vigo, halka Adriano xaaladiisa la qiimeyn doono daqiiqadaha ugu dambeeya waloow uu soo laabanayo Dani Alves.

Dhanka kale weeraryahan David Villa ayaa sii wadan doona barnaamijkiisa soo kabasho ee lugtii uu ka tarraray balse Blaugrana waxay weli tabaysaa oo ka maqan Sergio Busquets (ganaax) iyo Carles Puyol (xusulka).

MA OGTAHAY?

Celtic waxay sameeysay taariikh aysan jeclayn inay xusuusato kagadaal markii ay 2-1 uga badisay kooxdaBarcelona kulankeedii ugu dambeeyay oo ay Celtic noqotay kooxdii ugu kubad haysad yarayd taariikhda koobkan kadib markii lagu koobay 10 %.

Qanaaska kooxdan Bhoys Miku wuxuu kasoo aflaxay dugsiga tababarka da’yarta ee kooxda Valencia oo ah meesha ay sidoo kale kasoo bexeen laacibiinta Barca ee David Villa iyo Jordi Alba.

Georgios Samaras (sawiran) wuxuu gool dhalinayay dhamaan kulamadii ay dibedda kula soo ciyaartay kooxdan ka dhisan horyaalka SPL gaar ahaan kuwii ay ka horjeedeen kooxaha (Helsinki, Helsingborgs, Spartak iyo Barcelona).

Wiilasha Lennon waxay 4 gool ka dhaliyeen 11 shuut oo ay goolka ku rideen kulamada heerka guruubyada ee haatan socda.

Barca way wada badisay dhamaan sedexdii kulan ee ay garoonkeeda ku ciyaartay ilaa haatan, halka Celtic ay midna badisay, mid laga badiyay, midna ay barbarro gashay.

Vilanova iyo kooxdiisu way soo gudbayaan hadii ay caawa helaan natiijo waxtar leh maadaama ay kooxda kaalinta labaad kujirta ay 5 dhibcood ka sarreeyaan.

Lionel Messi wuxuu noqday aabe markii ugu horreeysay oo waxaa u dhashay wiil loogu wanqalay magaca Thiago Messi Jimcihii. Xidigan reer Argentine ayaa sidaa darteed Sabtigii la ciyaarayay kooxda Celta De Vigo isagoo iskaalshada ama sharabaadada ku sita bahalka yar ee ay ilmuhu nuugaan balse halkiisa lagama soo saarin maadaama uu ku guuldarraystay inuu gool dhaliyo.

Kooxdan Catalan-ka waxay sameeysay 2622 (laba kun, lix boqol, laba iyo labaatan baas) 3-da kulan ee ay ilaa haatan ciyaartay iyadoo dhamaystirtay 2283 (laba kun, laba boqol, sideetan iyo sedex baas) taasoo ah tii ugu sareeysay ee ay koobkan kooxi ka sameeyso boqolleey ahaana waxay ka dhigan tahay 87%.