Sunderland v Chelsea: Chelsea ma gaari doontaa guusheedii ugu horeysay EPL 7-kulan kaddib? (Wax ka sii ogow kulankan)

Published on December 8, 2012 by BYare

Sabti, 08-12-2012. Iyado si fudud ku lumisay hogaanki horyaalka ayaa haddana kooxda reer London ee Chelsea waxaa ay galabta usafri doontaa kooxda uu hogaamiyo Martin O’Neill ee Sunderland.

Muhimada ciyaartan:

Taariikhda ciyaarta: Sabti, December 8.

Kooxaha ciyaari doona waa : Sunderland v Chelsea.

Garoonka: Stadium of Light.

Saacada geeska Afrika: 6:00.

Sunderland (sida macquulka ah, 4-4-2): Mignolet; Bardsley, Cuellar, O’Shea, Rose; Larsson, Gardner, McClean, Johnson; Sessegnon, Fletcher.

Waxaa ka maqan: Brown, iyo Cattermole oo labaduba dhaawac ah.

Waxaa tijaabo lagu sameyn doonaa: O’Shea iyo Fletcher oo xanuuno fud fud qaba.

Chelsea (sida macquulka ah, 4-2-3-1): Cech; Azpilicueta, Ivanovic, Cahill, Cole; Ramires, Oscar; Hazard, Mata, Lampard; Torres.

Waxaa ka maqan: Mikel (ganaax), Sturridge iyo Terry oo dhaawac ah.

Garsoore: Mark Halsey (waa ciyaartiisii 7 aad ee sanadkaan).

Tababare Rafael Benítez ayaa raadinaya guushii ugu horeysay ee horyaalka wadanka Ingriiska, Chelsea ayaa wax guul ah gaari weysay todobadii kulan ee ugu dambeysay horyaalka waana bilawgii ugu xumaa mudo 17 sano ah .

Labadan koox ayaa galabta kulmi doonaa markii 115 aad tartamada oo dhan waxaana markii ugu horeysay ay kulmeen 2-dii November 1908 –dii markaas oo ay Sunderland ku adkaatay 3-0.

Laakin waqtigaan la joogo Chelsea ayaa ka badis badan Sunderland waxaana ay Chelsea adkaatay 54 ciyaarood halka laga adkaaday 39 kulan waxaana ay isku garab dhaceen 21 kulan.