Milan waxay tebeysaa dhirbaaxadaydii: ”Ma jecleeyn qaab-jarriinka tinta El Shaarawy iyo xitaa sunniyihiisa” – Gattuso

(Sion) 11 Dis 2012  Raacaha kulul ee khadka dhexe Gennaro Ivan Gattuso ayaa dib u jalleecay kooxda AC Milan oo uu xagaagii ka tegey isagoo raalli gelin ka bixiyay hadal uu ayaan hore sheegay oo ahaa inuu isbedelay qolka lebiska Milan oo uu ku tilmaamay mid foowdo noqday.

“Waan jeclahay Milan. Waxay ahayd riyo dhamaatay kadib 13 sanadood. Waxaana isu arkaa taageere xagjir ah oo ku guulaystay koobka horyaallada Yurub iyo laacibka 6-aad ee ugu safashada badan naadiga Milan taariikhdeeda oo dhan.” ayuu isku qanciyay Gattuso

“Hadda waxaan fahmi karaa inay khalad tahay in jiilka kugu xiga aad ka rajeeyso inay sidaada oo kale u dhaqmaan. Ma jecleeyn qaab-jarriinka tinta El Shaarawy, iyo xitaa sunniyihiisa.” ayuu ku kaftamay

“Laga yaabee inay tebayaaan dhirbaaxadaydii, lkn waan ku celinayaaye waan khaldanaa haatan Al Shacraawi wuxuu muujinayaa inuu yahay xidig soo baxay.” ayuu qiray Gattuso.

Gool FM

Comments

comments