Kabtanka Chelsea John Terry oo dib ugu soo laabtay tababarka

Published on November 26, 2012 by BYare

Isniin, 26-11-2012. Kabtanka kooxda Chelsea Jon Terry ee isagu dhaawaca kaga maqnaa kooxda Chelsea yaa lagu soo waramayaa inuu dib tababarka ugu soo laabtay ka hor kulankii shalay ee Chelsea iyo Man City.

John Terry ayaa tababar ku sameenayay garoonka Stamford Bridge ka hor kulankii Chelsea iyo Man City, iyadoo Terry uu dhaawac ka gaaray jilibka mar ay isku dhaceyn Luis Suarez kulankii Chelsea iyo Liverpool ee 11-kii November kaasoo ku idlaaday 1-1.

Terry ayaa dhaawaciisa ka hor ka soo laabtay ganaax 4-kulan ah kaddib fal isir faqooq ah uu kula kacay Anton Ferdinand, balse nasiib daro soo laabashadiisii ayaa soo gaaray dhaawac uu garoomada markale kaga maqnaado.

Waxa uuna sheegay John Terry inuu la shaqeyn doono tababaraha cusub ee Chelsea Rafa Benitez isagoo yiri “Waxaan Khamiistii tababaraha koowaad ee kooxda ku soo dhaweenay Benitez, ciyaartoyda dhamaana waxay eegayaan inay la shaqeeyaan”, sidoo kale John Terry ayaa amaan kala dul dhacay tababarihii faraha ka saaray koobka Champion League ay muddada dheer sugayeen ee Di Matteo isagoo sheegay inuu u rajeenayo inuu guuleysto mustaqbalka isla mar ahaantaana ay mahadsanid ku filnayn in la dhoho.