Hamann oo weeraray laacibiinta iska dhaliilaya Rafa Benitez.!

Published on November 24, 2012 by Raage

(Munchen) 24 Nif 2012 Didi Hamann ayaa weeraray ciyaartooyda qabka wayn isagoo ka hadlayay dhaleecaynta ay ciyaartooydii ay isku kooxda ahaayeen ee Liverpool u jeediyaan macalinka kumeel gaarka ah ee Chelsea Rafa Benitez.

Macalinkan Spanish-ka ah ayaa lagu dhaliilay inuusan badiyaa amaanin ciyaartooydiisa isagoo mararka qaar kooxda 1-aad ka tuura laacibiinta xidigaha ah isagoo aan sababta u sharrixin iyadoo waxyaabaha uu dalbanayo ay mararka qaar ka bataan waxa uu qaban karo laacibku.

”Uma baahni in la ii sheego sida aan cajiib u ahay markasta. Waxaa beryahan soo batay laacibiin jecel in maanta oo idil amaantiisa lagu mashquulo lkn taas kama heleysid Benitez” ayuu yiri laacibkii Jarmanka.

”Waxa ugu wayn ee uu macalinku codka kalsoonida kugu siin karo waa inuu kugu daraa safka 1-aad, maxaa yeelay taasi waxay muujinaysaa inaad tahay laacib wanaagsan. Waxay ila tahay in Benitez yahay macalin ka mid ah kuwa ugu wanaagsan” ayuu hadalkiisa ku jaray Hamann oo sidoo kale sheegay inuusan dhib u arag xitaa hadii aan loo sharixin sababtii kaydka loo geliyay.

Gool FM