Carles Puyol oo Faraha la galay Siyaasadda!

(Catalunya),  06  December 2012

Kabtanka kooxda Barcelona ee dalka Spain Carles Puyol ayaa ka baxay Saaxadda isboortiga, isagoo markan faraha la galay Arrimaha Siyaasadda, waxaana Daafucu uu hadallo kulul ku tuuray Wasiirka Waxbarashada Gobolka Catalunya u fadhiya xukuumadda Spain Jose Ignacio Wert.

Puyol ayaa boggiisa Kulanka Dadweynaha ee Twitter-ka waxa uu ku caddeeyay in uu aad uga soo horjeedo qaabka ay u socdo Manhajka waxbarashada gobolka Catalunya, waxaana uu ugu baaqay Wasiirka in uu hor mariyo hannaanka waxbarasho ee gobolka.

Waxa uu soo dhoweeyey Puyol qorshaha ay Catalunya kaga go’eyso Spain inteeda kale, isagoo ku nuux nuuxsaday in loo baahan yahay in Gobolku uu helo Manhaj Waxbarasho oo ka duwan midka laga barto Spain inteeda kale.

GOOL FM

Comments

comments