Bisaddii Madoobayd ee soo gashay Garoonka Barcelona ma waxay ka socotay Jose Mourinho?!

Published on December 7, 2012 by Yahye

(Madrid), 07 December 2012
Kaddib markii habee hore uu dhaawac soo gaaray Weeraryahanka kooxda Barcelona Lionel Messi ciyaartii ay kooxdiisu barbar dhac 0-0 isla dhaafi waayeen kooxda Benfica ee dalka Portugal ayaa waxaa isku soo beegmay dhaawaca Messi iyo Bissad/Mukulaal Madoow oo garoonka Camp Nou soo gashay.

Bisaddii joogtay Garoonka Real Madrid iyo tii soo gashay garoonka Barcelona ee Labaduba Madoobaa

Saxaafadda Spain ayaa weli hadal haysa Bisaddaasi waxaana qaarkood ay qoreen in Bisaddaasi ay sabab u ahayd Nasiib darradii ku dhacday Messi ayna ka socotay dhinaca Jose Mourinho.

Warkani oo aan la garanayn in uu yahay Ila qosol ama Mid sax ah ayaa wargeysyada Spain waxa ay caddeyn u soo qaateen Bisaddii Madoobeyd ee hadda ka hor lagu dhex arkay xarunta tababarka Real Madrid iyadoo tababaraha kooxdaasi Jose Mourinho uu dhowr kubbadood ku laaday oo uu la ciyaarayay.

Dad badan ayaa markii ay Sheekadaasi soo xusuusteen waxa ay is weydiiyeen “Bisaddani ma tii Jose Mourinho mise waa mid u eg?!!!!”.