17-dii ciyaartooy ee reer Eritrea ee ku goysay dalka Uganda oo la helay!

Published on December 5, 2012 by BYare

Arboco, 05-12-2012. 17-ciyaaryahan oo ka tirsan xulka qaranka Eritrea iyo dhaqtarkooda ayaa ku gooyay dalka Uganda kaddib markii ay ka hareyn tartanka bariga iyo bartamaha Africa ee CECAFA, balse waxaa lagu guuleystay in dib loo helay.

David Apollo Kazungu oo arrimaha qaxootiga u qaabilsan xafiiska reysul wasaaraha dalka Uganda ayaa waxa uu sheegay in subaxan uu la kulmay ciyaartoydan iyagoo magan galyo doon ah waxa uuna yiri Kazungu isagoo u waramaya BBC-da “Waxay inoo sheegeyn in xaalada dalkooda aysan ahayd mid fiican waxaana eegeynaa xaaladooda iyo waraaqadahooda”

Wuxuuna intaa raaciyay inay la shaqeenayaan hey’ada qaramada midboobay u qaabilsan arrimaha qaxootiga ee (UNHCR) si ay u arkaan waxa ay u qaban karaan 18-kaan qof ee 17-da ciyaaryahan iyo dhaqtarkooda.

Eritrea ayaa isaga soo hartay tartanka CECAFA kaddib bar-baro ay la gashay Zanzibar iyo 2-guul daro ay kala kulantay wadamada Malawi and Rwanda, halkii laga doonayayna ciyaartoydeeda inay ku laabtaan wadankooda ayay hotel-kii loo waday intaan la geyn sheegayn inay doonayaan inay aadaan dukaameysi (Shopping) sidaana ku gooyeen balse dib loo helay iminka, waxaana dalkii dib ugu laabtay 5-sargaal iyo 2-ciyaarahano oo qura.